أنا و هو

موضوع: أنا و هو الأربعاء يونيو 24, 2009 9:59 am

أنا و هو

--------------------------------------------------------------------------------
أنا : أنتة فين
؟
هوة : في الحسين

بصلي ركعتين

وهشرب الحجرين

أنا : مش أنتة برضة بتنام علي مخدتين ؟

هوة : أنتة خبت بدل الخيبة اتنين ؟

أنا : الناس بتلبس فردة واحدة وانتة بتلبس فردتين

هوة : ناس مين اللى بتلبس فردة واحدة الناس بتنضرب بفردة وحدة

وانت بتنضرب بالاتنين

أنا : والناس لما بتحب تتفسح بتروح لبنان

وأنتة لما بتتفسح بيودوك اللومان

هوة : ربنا يسهل إدعي وقول يا رب وأنا كمان

بدل ما تروح السعودية عند أخوك

تروح هناك يوضبوك

وتبقي صحيح إعلام ومالي مركزك وتمام

أنا : المشكلة مش في مين اللي هايروح

المشكلة في يوسف وأموح

هوة : ما يهمنيش اللومان المهم إن بلدي تبقي في خير وسلام

أنا : سيبك من الهجس دة وفوق وخلي بالك من العيال

هوة : والله شكلك جبان هوة انتة مش إعلام ؟

وعايز تشتغل في الجزيرة وال بي بي سي كمان

أنا :يعني أخرة الزعيق وبح الصوت

ما هاينوبنا غير بلبلة وكوباية ينسون

وبعدين مش مهم الكلام

المهم إنك تصحح نفسك وتنام

هوة : إمال نسكت علي الغلط وينتشر المرض ؟

أنا : ما بقولش كدة أنا بأقول إن إحنا أصلا غلط

يبقي ما نعيبش علي الناس وإحنا أصلا ورا

هوة: بس إحنا كلنا بنغلط ودي سنة البشر

أنا : بس مش سيدي و سيدك قال

" إن الله لا يغير ما بقوم حتي يغيروا ما بإنفسهم"

يبقي بلاش كتر جدال

هوة : قالي ما تلومش الناس . الناس وليدة الظروف

وما تقولش انك بتنهي عن المنكر وبتأمر بالمعروف

أنا : فكرني إنتة في كلية إية ؟

هوة: اداب قسم فلسفة يعني ابويا سقراط واخويا افلاطون

أنا : ما انا بقول بردة الجدل دة مرض اسمة ( طول بلعوم )

وسلام يالا علشان عاوز اقوم

تصبح علي خير وتنساش الينسون قبل النوم

والله انا اللي محتاج ينسون

ومش هاقولكم اتفضلوا اصل انا بخيل حبتين
بس بحبكم من جوة قلبي وعنيا الاتنين
ـــــــــــــــــــــــ
تحياتي