أسكن بداخلك ....

أسكن بداخلك

--------------------------------------------------------------------------------
ليتني اسكن عيونك ..
وأشوف ..
كيف هـ العالم تشوفه ..

وكيف لا غمضت عينك ..
تنام ..

كيف حلمك .. كيف لونه ..
كيف وقته ..

كيف تسهر مع همومك ..
كيف يغلبك النعاس .. وأنت جالس ما تنام ..

ليتني اسكن عيونك ..
وأسامر دمعتك وارتجيها ..

لا طلعت .. ما تجرح خدن أحبه ..
لا طلعت .. تطلع خفيفة ..
تمسح ..
عطرك المنثور ..
على ملامح هـ العيون ..

ليتني امشي بعروقك ..
احتضن دمك .. و أروح .. من الوريد للوريد ..
وامشي بهدوء .. بين نبضك ونبضك ..
أخاف أزعجه ويقوم..

واسكن أطرافك سنين ..
وأتنقل كل يوم ..
يوماً هنا .. ويوماً هناك ..

و أتعبث بكل شي .. أشيل هذا وأحط ذاك ..
وأعيد ترتيبك من جديد ..

طلبتك ..
خلني بداخلك كثير.. لا تحاول تنتزعني ..

أنا ..
راضيه أموت فيك .. كل يوم أكثر وأكثر ..

المهم ..
خلني بداخلك كثير.. لا تحاول تنتزعني ..