معلومات مهمة مني للي رايح لبنان ...

السلام عليكم ورحمة الله وبركاته
هلا بالحلوييين

حبيييت افيدكم ببعض المعلومات المهمة لكل شخص حاب يروووح لبنان

طبعا انا سرت لبنان بين الفترة 28/5/2008 الى 31/5/2009

قصر الفترة بسبب ظهور حالات انفلونزا الخنازير في لبنان.

المعلوومة الاولى..الفنادق

اذا تبغي فندق حلو ومريح واسعارة من غير نصب يعني صاحب الفندق اذا شافك خليجي علطول يدبل السعر عشان تبتعد عن النصب والاستغلال لازم تحجز من الانترنت لازم وبترتاح بتكون دفعت المبلغ اللي يستحقة الفندق سواء كان غالي او رخيص
وانصحكم بفندق هوليدي ان قريب على كل شي...قريب على الفردان والسوليدير واسواق الحمرا

المعلومة الثانية..التاكسي

انصحكم بتأجير سيارة قبل لا اتروحون لبنان لان التاكسي بيذبحكم اقل شي بياخذ عليكم في اليوم 80 دولار من الصبح لين العصر وما بتاخذون راحتكم لو تبون اتروحون اماكن قريبة وترجعون للفندق فافضل شي اتاجرون سياره مع الدريول وتتفقون مع شركة التاجير عالسعر وعلى ان السايق اييكم المطار
طبعا السيارات الصغيرة مثل الكورولا والكامري وهاي السوالف بتحصلونها مع السايق ب70 دولار
بس انا بعطيكم رقم شركة تاجير سيارات والله ان راعيها محترم جدا واسعاره معقوووولة لابعد حد مايعرف ينصب وعلى فكره هو سعودي عشان جي ما يستغل الخليجييين
اجرلنا سياره شفروليلة حلوه وجديدة موديل 2009 او 2008 ب50 دولار بسسسس ومع الدريول بعد لا والدريول معنا في اي وقت يسهر معانا لين الصبح عادي ما يقول خلاص

احنا السايق اللي معانا كان اسمه (احمد اغا) اذا حصلتوه بيكون حظكم لانه جدا محترم وما يرضى عليكم ويوديكم الاماكن الحلوه حتى لو كانت بعيدة

ايمن (صاحب شركة التاجير)
الرقم:009613062099

عشان اتحصلون ها السعر قولو لايمن انكم جاييين من طرف ((طه الهاشمي الاماراتي)
وبيعطيكم احلى سعر لانه استوى اربيعي

المعلومة الثالثة ...بطاقة التليفون

نصيحتي ما تستعملون بطاقتكم المحليه لانها بتاخذ وايد اشتروا بطاقة mtc touch سعرها 25 اشتريناها ب30 دولاار وفيها رصيد 23 دولار وايد حلو السعر حتى ان الدريول قالنا هو ياخذها ب25 دور عشان جي انصحكم اتخلون الدريول هو ياخذها لكم وفي محل في الحمرا يبيع البطايق ووايد محلات

بعض الاماكن.. المقاهي

للي يشيشون ويحبون الكييييف والجو احلى مكان شيشة هو مقهى ((الفلمنكي)) الراس ماله مثل اللي عندنا كبير (مصري) والمكان جداااااااااااا روووعة وعطي مال الامن 5 دولار بيعطيكم احلى طاولة. ووقت هذا المقهى يبدا من 11:30 لين الساعه 3 فليل هذا احلى وقت مع انه يفتح 24 ساعه

وعندكم كوفي ومقهى الامور في الفردان هذا وقته من غرووب الشمس تجلس فيه ساعة الا ربع واتناظر اللي رايح واللي جاي

واذا احتجتوا شي اسالو وان شاء الله اجاوب عليكم

» كل ما يريده المسافر من عناوين ايجار السيارات في لبنان ..؟